Biratnagar, Morang, Nepal
२२ चैत २०८१, शुक्रवार
+977 21 450305, 515728, 578305
खेलकुद

एनआरटीलाई दोस्रो पटक बुढासुब्वा गोल्डकपको उपाधि

उद्‌घोष सम्वाददाता
४ चैत २०८०, आइतवार

सुनसरी । २४ औं अन्तर्राष्ट्रिय आमन्त्रण बुढासुब्वा गोल्डकपको ट्रफी न्युरोड टिम एनआरटीले उचालेको छ । 

शनिबार सम्पन्न फाइनल खेलमा एन्फा मोरङलाई २–१ गोल अन्तरले पराजित गर्दै एनआरटीले दोस्रो पटक उपाधि जितेको हो । 

एनआरटीले १० औं संस्करणमा जावलाखेल युथ क्लबलाई पराजित गर्दै बुढासुब्वा गोल्डकपको ट्रफी उचालेको थियो । 

एनआरटीलाई दोस्रो पटक उपाधि जिताउन ओलावाले आफिज र सरोज तामाङले गोल गरे । अफिजले खेलको छैटौँ र तामाङले ५१ औं मिनेटमा गोल गरेका हुन् । 

मोरङका उमेश कार्कीले पनि ४३ औं मिनेटमा गोल फर्काउन सफल भएका थिए । तर त्यो पर्याप्त भएन । 

प्रतियोगिताको विजेताले एनआरटीले ट्रफीसहित नगद १० लाख र उपविजेता मोरङले ५ लाख हात पारेका छन् । 

खेलको सर्वोत्कृष्ट खेलाडी एनआरटीका सनम लिम्बू घोषित हुँदै नगद १ लाख रुपैयाँ पाए । 

प्रतियोगिताको हाइ स्कोरर एनआरटीका ओलावाले आफिज, सरोज तामाङ र मोरङका उमेश कार्की घोषित हुँदै जनही १२–१२ हजार रुपैयाँ प्राप्त गरे । 

वेस्ट डिफेन्डर मोरङका महेन्द्र कार्की, वेस्ट स्ट्राइकर एनआरटीका शिशिर लेखी, वेस्ट मिडफिल्डर एनआरटीका जय गुरुङ, बेस्ट गोलकिपर एनआरटीका पुजन होना, वेस्ट कोच एनआरटीका जीवन सिन्खेमना घोषित भए । उनीहरु सबैले जनही नगद २५–२५ हजार रुपैयाँ प्राप्त गरे । 

खेलको म्यान अफ दि फाइनल एनआरटीका पदम भट्टराई घोषित हुँदै नगद १० हजार पाए ।

मोरङले सेमिफाइनलमा आयोजक धरान फुटबल क्लबलाई पेनाल्टी सुटआउटमा ५–४ गोल अन्तरले पराजित गर्दै उपाधी नजिक पुगेको थियो । 

उसले क्वाटरफाइनमा नेपाल पुलिस क्लबलाई ३–० ले पराजित गरेको थियो । एनआरटी गत संस्करणको उपविजेता काँकडभिट्टा फुटबल ट्रेनिङ सेन्टर झापालाई पेनाल्टीमा ५–४ गोल अन्तरले पराजित गर्दै मोरङसँगको उपाधि भिडन्त पक्का गरेको थियो । 

एनआरटीले क्वार्टरफाइनलमा विभागीय टिम त्रिभुवन आर्मीलाई २–१ गोल अन्तरले पराजित गरेको थियो ।

View : 233

Get In Touch

Biratnagar, Morang, Nepal

+977 21 450305, 515728, 578305

udghosh@gmail.com

Copyright © 2023 -2025. Udghosh Daily. All Rights Reserved