मुनालपथमा इलेक्ट्रिक साइकलको सोरुममा आगलागी (फोटो)

विराटनगर । विराटनगरको मुनालपथमा रहेको इलेक्ट्रिक साइकलको एउटा सोरुममा आगलागी भएको छ ।

विराटनगर महानगरपालिका–२ स्थित मुनालपथमा अहिले आगो लागिरहेको जनाइएको छ ।

भव्य इन्टरनेशनलले संचालन गरेको सोरुममा आगलागी भएको हो । आगलागीबाट अधिकांश इलेक्ट्रिक साइकलहरु जलेका छन् ।

दमकल आइनपुगेका कारण आगो नियन्त्रणमा आउन सकेको छैन । आगो नजिकका अन्य पसलहरूमा समेत फैलिने जोखिम बढेको छ ।

छेउमा बजाज मोटरसाइकलको सोरुम समेत रहेको छ । इलेक्ट्रिक साइकलको ब्याट्री सर्ट भएर आगलागी भएको अनुमान गरिएको छ ।