Biratnagar, Morang, Nepal
२२ चैत २०८१, शुक्रवार
+977 21 450305, 515728, 578305
खेलकुद

बी डिभिजन क्रिकेट

बीसीसी र  ग्रामथान सेमिफाइनलमा

उद्‌घोष सम्वाददाता
२३ माघ २०८०, मङ्गलवार

विराटनगर । मोरङ जिल्लास्तरीय बी डिभिजन क्रिकेट प्रतियोगिता अन्तरगत सोमबार विराटनगरको वैजनाथपुर क्रिकेट मैदानमा झएको खेलमा विराटनगर क्रिकेट क्लव (बीसीसी)र ग्रामथान त्रिकेट क्लव विजयी भई सेमिफाइनलमा प्रवेश गरेका छन् ।

पहिलो खेलमा बीसीसीले होराइजन क्रिकेट क्लवलाई  ५ विकेटले पराजित गरेको छ । टस जितेर ब्याटिङ गरेको होराइजनले निर्धारित २३ ओभरमा ७ विकेट गुमाई १ सय ११ रन बनाएको थियो । जसमा सुजन भट्टराईले ४० रन बनाउँदा  अनवर अन्सारीले १३ रन बनाए । बीसीसीका कृतिक कामत र अविशेक मण्डलले समान २–२ विकेट लिए ।

१ सय १२ रनको विजयी लक्ष्य पाएको बीसीसीले २० ओभरमा ५ विकेट गुमाई सो लक्ष्य भेट्टाएको थियो  । जसमा धीरज कामतले ३९ रन बनाउँदा अमन गुप्ताले २७ रन र कृतिक कामतले नटआउट २२ रनको योगदान दिए । होराइजनका मनिस मण्डल,अमन मण्डल, सुजल भट्टराई, श्रवण मण्डल र लविस झण्डारीले १–१ विकेट विकेट लिए ।

दोस्रो खेलमा ग्रामथान क्रिकेट क्लवले जहदा त्रिकेट क्लवलाई  ३ विकेटले पराजित गरेको छ । टस जितेर ब्याटिङ गरेको जहदाले निर्धारित २३ ओभरमा ९ विकेट गुमाई १ सय ११ रन बनायो । जसमा विवेक मुखियाले १७ रन बनाउँदा  विशाल मण्डलले १२ रन बनाए । ग्रामथानका पारस चौधरीले सर्वाधिक ५ विकेट लिए ।

१ सय १२ रनको विजयी लक्ष्य पछ्याएको ग्रामथानले २२ ओभरमा ७  विकेट गुमाई सो विजयी लक्ष्य पार गरेको थियो । जसमा उत्कृष्ट खेलाडी अनिष  विश्वकर्माले ४३ रन बनाउदा विकाश कार्कीले १५रनको योगदान दिए । जहदाका आमोद मण्डल र पाण्डव मण्डलले २–२ विकेट लिए ।

View : 270

Get In Touch

Biratnagar, Morang, Nepal

+977 21 450305, 515728, 578305

udghosh@gmail.com

Copyright © 2023 -2025. Udghosh Daily. All Rights Reserved