Biratnagar, Morang, Nepal
२२ चैत २०८१, शुक्रवार
+977 21 450305, 515728, 578305
आर्थिक

सुनचाँदी व्यवसायी महासंघ कोशीको सभापतिमा रसाइली

उद्‌घोष सम्वाददाता
४ चैत २०८०, आइतवार

विराटनगर । नेपाल सुनचाँदी व्यवसायी महासंघ कोशी प्रदेश समितिको सभापतिमा रमेश रसाइली निर्वाचित भएका छन् । सुनसरीको इटहरीमा शनिबार सम्पन्न अधिवेशनबाट उदयपुरका रसाइलीको अध्यक्षतामा १३ सदस्यीय कार्यसमिति चयन भएको हो ।

अधिवेशनबाट सचिवमा रमेश कुमार श्रेष्ठ बाहेक सवै सर्वसम्मत भएका हुन् । दुई उपसभापतिमा सुनसरीका लिला बहादुर विश्वकर्मा र मोरङका शशी भुषण साह चयन भएका छन् । 

सचिवमा श्रेष्ठले ६५ मत प्राप्त गर्दै निर्वाचित भएका हुन् । अर्का दाबेदार अच्यूत चौलागाँईले ३० मत प्राप्त गर्दै पराजित भएको जनाइएको छ ।

महासंघको सहसचिवमा मोरङका मिन बहादुर गहतराज, कोषाध्यक्षमा मोरङकै मनोज कुमार अग्रवाल, सहकोषाध्यक्षमा झापाका बाबुराम विश्वकर्मा चयन भएका छन् । 

त्यसैगरी सदस्यहरुमा राजु विश्वकर्मा (इलाम), मोहन गजमेर (ओखलढुंगा), लाल बहादुर विश्वकर्मा (झापा), वस्तुगत सदस्यमा रोहित बहादुर विश्वकर्मा (झापा), एसोसिएट सदस्यमा आलोक राठी (मोरङ) र महिला सदस्यमा सृजना शंकर (संखुवासभा) सर्वसम्मत चयन भएको जनाइएको छ ।

महासंघले शनिबार कोशी प्रदेशसहित सातै प्रदेशमा अधिवेशन आयोजना गरी नेतृत्व चयन गरेको हो ।

यहि चैत २३ र २४ गते महासंघको चौथो केन्द्रीय महाधिवेशन तय भइसकेको छ । त्यसअघि सातै प्रदेशको नेतृत्व चयन गरिएको नवनिर्वाचित अध्यक्ष रसाइलीले जानकारी दिए ।

View : 406

Get In Touch

Biratnagar, Morang, Nepal

+977 21 450305, 515728, 578305

udghosh@gmail.com

Copyright © 2023 -2025. Udghosh Daily. All Rights Reserved