कोशीमा सरकारबाट बाहिरिने माओवादी संसदीय दलको निर्णय

विराटनगर । कोशी प्रदेशमा माओवादी संसदीय दलको बैठकले सरकारबाट बाहिरिने निर्णय गरेको छ ।

दलका नेता इन्द्र बहादुर आङ्बोले केदार कार्की नेतृत्वको सरकारबाट मन्त्रीहरु फिर्ता हुने तयारी भइरहेको जानकारी दिए ।

उनले आजै एमालेसहित सहभागी भएर कार्की नेतृत्वको सरकारलाई दिएको समर्थन फिर्ता लिने बताए ।

दलको बैठकले प्रदेश प्रमुख समक्ष आजै प्रदेश सभाको विशेष अधिवेशन बोलाउन समावेदन पेश गर्ने निर्णय गरेको पनि जानकारी दिए ।