एसबीएससी मोरङमा ढकाल निर्वाचित

विराटनगर । संस्थागत विद्यालय बचत तथा ऋण सहकारी संस्था लिमिटेड मोरङ (एसबीएससी) को अध्यक्षमा नगेन्द्र प्रसाद(बिवेक) ढकाल निर्वाचित भएका छन् ।

विराटनगरमा आइतबार भएको निर्वाचनमा ढकाल प्रतिस्पर्धी धनकुमार राईलाई ३४ मतले पराजित गर्दै अध्यक्षमा निर्वाचित भएका हुन् ।

ढकालले ४६ मत ल्याएर अध्यक्षमा निर्वाचित हुँदा प्रतिस्पर्धी राईले १२ मत मात्र ल्याए । सचिवमा गोपाल रिजाल ३० मत ल्याएर निर्वाचित भए । उनका प्रतिस्पर्धी दिपकप्रसाद घिमिरले २८ मत पाए । सहकारीको अध्यक्ष र सचिव पदमा मात्र निर्वाचित भएको थियो । अन्य पदमा सर्वसम्मत नेतृत्व चयन भएको छ । अध्यक्षमा निर्वाचित भएका ढकाल मोरङको बुढीगंगा गाउँपालिका–२ मा रहेको मोरङ पब्लिक स्कुलका प्रिन्सिपल हुन् ।

उपाध्यक्ष नन्दलाल मण्डल, सह–सचिवमा दिपेन्द्र राई, कोषाध्यक्षमा हिराबहादुर मगर र सहकोषाध्यक्ष नेत्रप्रसाद गड्तौला चयन भएका छन् । सदस्यहरूमा देवीलाल महतो, अर्जुन श्रेष्ठ, दिनेश ढुङ्गाना, केदार पौडेल र महेन्द्र मण्डल रहेका छन् ।

सहकारीको ९२ जना सेयर सदस्यमध्ये ६० मत खसेको थियो । सहकारीले प्रत्येक वर्ष एसबीएससी सिंगिक स्टार, चित्रकला प्रतियोगितालगायतका विभिन्न कार्यक्रमहरू पनि गर्दै आएको छ ।