मोटरबाट करेन्ट लाग्दा दम्पतीको मृत्यु

विराटनगर , २७ भदाै ।  मोरङको बुढिगंगा गाउपालिका–५ मा करेन्ट लागेर एक दम्पतीको मृत्यु भएको छ ।

मृत्यु हुनेमा भारत भागलपुरका ७५ बर्षीय कैलाश मण्डल र उनको श्रीमती ७२ बर्षीया कुमादेबी मण्डल रहेको प्रहरीले जनाएको छ ।

बुढिगंगा–५ मा कोठा भाडामा लिई  खेतीपाती गर्दै आएका दम्पत्तीले बुधबार खेतमा पानी लगाउन मोटर जडान गरी ट्युवेल चलाउने क्रममा विद्युत सर्ट भइ करेन्ट लाग्दा दुबै जनाको घट्नास्थलमानै मृत्यु भएको हो ।  

सो घटनापछि जिल्ला प्रहरी कार्यालय  मोरङको टोलीले लाश पोष्टमार्टमको लागी कोशी अस्पताल पठाएको र घटना सम्वन्धमा अन्य थप अनुसन्धान गरिरहेको  बताइएको छ ।