प्राज्ञिक विद्यार्थी परिषद्को सदस्यता अभियान

विराटनगर । प्राज्ञिक विद्यार्थी परिषद् नेपालले सदस्यता अभियान सुरु गरेको छ । परिषद्ले आइतबारदेखि कोशी प्रदेशसहित देशभरी नै सदस्यता वितरण अभियान सुरु गरेको हो । सदस्यता वितरण अभियान पुस ११ गतेसम्म सञ्चालन हुने छ । विराटनगरमा नेशनल एकेडेमीबाट सदस्यता वितरण अभियानको शुभारम्भ गरिएको थियो ।

यस्तै दोस्रो दिन पूर्वाञ्चल विश्वविद्यालय व्यवस्थापन क्याम्पस र महेन्द्र मोरङ आदर्श बहुमुखी क्याम्पसका विद्यार्थीहरूलाई सदस्यता वितरण गरिएको कोशी प्रदेश संगठन सचिव छितराज न्यौपानेले जानकारी दिए । यस्तै धनकुटास्थित दृष्टि एकेडेमी र धनकुटा बहुमुखी क्याम्पसका विद्यार्थीहरूलाई सदस्यता वितरण गरिएको उनले जानकारी दिए ।

परिषद्ले शिक्षाक्षेक्रलाई दलीय राजनीतिक मुत्त क्षेत्र बनाउन, विद्यार्थीलाई समग्र विकासका लागि विविध रचनात्मक गतिविधिसंग जोडिन, राष्ट्र प्रथम झावको विचारसँग आवद्ध रहन र विद्यार्थी शक्तिलाई राष्ट्र शत्तिको रूपमा सदुपयोग गर्न अभियानलाई गति दिएको जनाएको छ ।