पाँचथरको पञ्चमी बजारमा आगलागी, तीन शिक्षकका घर जले

विराटनगर । पाँचथरको फाल्गुनन्द र फाकफोकथुम गाउँपालिकाको सीमावर्ती पञ्चमी बजारमा गएराती आगलागी हुँदा तीनवटा घर जलेका छन् । 

आगलागीबाट स्थानीय श्रीनारायण भट्टराई, कविन्द्र लावती र अम्बिका सापकोटाको घर पूर्ण रुपमा जलेको जिल्ला प्रहरी कार्यालय पाँचथरका प्रमुख प्रहरी नायब उपरीक्षक हेमन्त भण्डारी क्षेत्रीले जानकारी दिए । 

आगलागीबाट घर जलेका तीनैजना स्थानीय शिक्षक रहेको जनाइएको छ । छिमेकका अन्य घरहरूमा समेत क्षति पुगेको छ ।

स्थानीय र प्रहरी चौकी फात्तेपबाट खटिएको प्रहरीको मद्दतमा दुई घण्टा लगाएर आगो नियन्त्रणमा लिएको जनाइएको छ । राती झण्डै ८ बजेतिर आगलागी भएकोले कारण खुल्न नसकेको जनाइएको छ ।