निजी प्रयासमा दशैं बजार

विराटनगर । स्थानीय जलजला रोडमा यहाँका तीन व्यवसायीको प्रयासमा यस वर्षको दशैं बजार शुरु गरिएको छ । 

उपभोक्ताहरुलाई सहुलियत दरमा दैनिक उपभोग्य वस्तुहरु उपलब्ध गराउन सो दशैं बजार लगाइएको हो ।

अरुण सुराना, अरुण राठी र अमित धाडेवाको संयुक्त प्रयासबाट बजार लगाइएको हो । 

सो बजारमा स्थानीय कम्पनीका उत्पादनहरु चामल, तेल, जुत्ता, तयारी कपडाका साथै हस्तकलाका सामग्रीहरु पनि राखिएको छ ।

सो समूहले स्थानीय प्रशासनको सहयोगमा उपभोक्ताहरुलाई सुपथ मूल्यमा चिनी र अन्य थप सामग्रीहरु उपलब्ध गराउने प्रयास गरिरहेको छ । सरकारी तवरबाट हुन नसकेको काम उनीहरुले गरेका हुन् ।