पूर्व प्रमुख भण्डारी सम्मानित

विराटनगर । खोटाङ सामाजिक सेवा मञ्च विराटनगरले स्नातकोत्तर क्याम्पस विराटनगरका पूर्वप्रमुख हरिहर भण्डारीलाई सम्मान गरेको छ । 

शनिबार आयोजित एक कार्यक्रममा प्राज्ञ गंगा सुवेदी र मञ्चका अध्यक्ष कृष्णप्रसाद भण्डारी मार्सेलीले दोसल्ला ओढाएर भण्डारीलाई सम्मान पत्र प्रदान गरेका  हुन् ।

सम्मान प्रदान गर्दै प्राज्ञ सुवेदीले साहित्य क्षेत्र समाजको ऐना र कल्याणकारी विधा भएकाले हरेक महिना विशिष्ट स्रष्टाहरू खोजी गरी सम्मान गर्ने कार्यको प्रशंसा गरिन् । 

सो अवसरमा साहित्यकार सरला चापागाई, गोकुल अधिकारी, निर्मला कोइराला लगायतले शुभकामना व्यक्त गरेका थिए ।