दुई शिक्षक सम्मानित

विराटनगर : मोरङको रंगेली नगरपालिका–१ स्थित त्रिभुवन मावि गोहिगाडाले विद्यालयका दुई पूर्वशिक्षकलाई सम्मान गरेको छ ।

सम्मानित हुनेमा मावि तह शिक्षक नारदप्रसाद लुईंटेल र निमावि तहका शिक्षक नन्दकिशोर चौधरी छन् ।

लामो समयसम्म विद्यालयमा रहेर शैक्षिक गतिविधिमा उत्कृष्ट योगदान गरेको भन्दै विद्यालयले उनीहरूलाई सम्मान गरेको विद्यालय व्यवस्थापन समितिका अध्यक्ष अशोककुमार साहले वताए ।

विद्यालय व्यवस्थापन समितिका अध्यक्ष, प्रधानाध्यापक केशरबहादुर बानिया, सहायक प्रधानाध्यापक टंकबहादुर खत्री लगायत शिक्षक, अभिभावक र  विद्यार्थीहरूले उनीहरूलाई सम्मान गरेका थिए ।