तास खेल्ने १० जना पक्राउ

विराटनगर । विराटनगर महानगरपालिका वडा नं.–१२ बाट तास खेल्ने १० जनालाई प्रहरीले पक्राउ गरेको छ ।

विराटनगर १२ स्थित वेदनिधि दाहालको घरमा तास खेलिरहेको  भन्ने गोप्य सूचनाको आधारमा वडा प्रहरी कार्यालय विराटनगरबाट खटिएको प्रहरी टोलीले मंगलबार साँझ उनीहरुलाई पक्राउ गरेको हो ।

पक्राउ पर्नेमा घरधनी  बेदनिधि दाहालसहित  स्थानीय ४० वर्षीय किसन श्रेष्ठ, ३० वर्षीय अजय मण्डल, २९ वर्षीय आर्यन कामत, ३६ वर्षीय दीपक सहनी र ६५ वर्षीय देवेन्द्रबहादुर सुब्वा रहेका छन् ।

त्यसैगरि ३५ वर्षीय दीपक सहनी, २७ वर्षीय अनिश अधिकारी, ५० वर्षीय बाबुराम कटेल र ३७ बर्षीय रामबाबु राय पनि पक्राउ परेका छन् ।

तासको खालबाट  नगद ८२ हजार४ सय ३० रूपैयाँ र १५६ पत्ति  तास बरामद भएको जिल्ला प्रहरी कार्यालय मोरङले जनाएको छ  ।

पक्राउ परेकाहरुलाई जिल्ला प्रशासन कार्यालय मोरङबाट मुलुकी अपराध संहिता २०७४ बमोजिम जुवा सम्बन्धी कसूरमा पाँच दिनको म्याद थप गरी अनुसन्धान भइरहेको जिल्ला प्रहरुी कार्यालय मोरङका प्रवक्ता वेदप्रकाश जोशीले जनाएका छन् ।