धनकुटाको लेगुवामा हायस दुर्घटना

विराटनगर । काठमाडौंबाट संखुवासभाको खाँदबारी जाँदै गरेको हायस शनिबार दिउँसो धनकुटाको लेगुवामा दुर्घटना हुँदा तीनजना घाइते भएका छन् । 

१८ जना यात्रु रहेको हायस धनकुटाको महालक्ष्मी नगरपालिका–५ लेगुवामा दुर्घटना भएको ट्राफिक प्रहरी कार्यालय धनकुटाले जनाएको छ ।

गुडिरहेको हायस सडकको भित्तामा ठोक्किएर दुर्घटनामा परेको हो । हायसको अगाडिको भागमा भने क्षति पुगेको छ ।

घाइते यात्रुहरूको स्थानीय क्लिनिकमा प्राथमिक उपचार भएको र उनीहरूको अवस्था पनि सामान्य नै रहेको जनाइएको छ ।