एमाले मोरङको १० औं अधिवेशन : आजदेखि बन्द सत्र सुरु

विराटनगर । नेकपा एमाले मोरङको १० औं जिल्ला अधिवेशनको बन्दशत्र आज आइतबार विहानदेखि सुरु हुने भएको छ ।

एमाले मोरङ संगठन कमिटीका अध्यक्ष बाबुराम कार्कीले शनिबारको उद्घाटन समारोहलाई समापन गर्दै बन्द सत्र संचालनका लागि केन्द्रीय कमिटी सदस्य जिवन घिमिरेको अध्यक्षतामा सात सदस्यीय अध्यक्ष मण्डल घोषणा गरेका छन् ।

अध्यक्ष मण्डलको सदस्यमा केन्द्रीय सदस्य रामलाल साह, प्रदेश कमिटी अध्यक्ष घनश्याम खतिवडा, सचिव राजकुमार भण्डारी, केन्द्रीय सल्लाहकार कमिटी सदस्य यशोदा अधिकारी, पूर्वअध्यक्ष ऋषिकेश पोखरेल र प्रदेश कमिटी सदस्य खेम नेपाली रहने छन् । 

त्यसैगरी नेतृत्व चयनका लागि हुने निर्वाचनको प्रक्रियालाई अघि बढाउन वरिष्ठ अधिवक्ता सुरेशलाल श्रेष्ठको संयोजकत्वमा डिल्ली घिमिरे, विश्वराज भट्टराई, विवेक तिम्सिना, सञ्जय मेहता, अविनारायण श्रेष्ठ, राधा उराव, सविता घिमिरे र सुष्मा अधिकारी रहेको ७ सदस्यीय निर्वाचन कमिटी घोषणा गरेका छन् । 

यज्ञ शर्माको संयोजकत्वमा रूपेश खतिवडा, केदार कार्की, कञ्चनकला वर्मा र डिल्ली कर्ण प्रसाई रहेको पाँच सदस्यीय माइन्युट लेखन कमिटी गठन गरेको अध्यक्ष कार्कीले बताए ।

अध्यक्ष मण्डलले आइतबार विहान ८ बजदेखि बन्दसत्र संचालन गर्ने तयारी अघि बढाएको छ । बन्द सत्रमा संगठन कमिटीका अध्यक्ष कार्कीले तयार पारेको सांगठानिक प्रतिवेदन पेश हुनेछ । प्रतिवेदनमाथि छलफल सकिएर हलबाट पारित भएपछि मात्रै निर्वाचनको प्रक्रिया अघि बढ्ने जनाइएको छ ।