‘शिरैमा शिरफुल’ सार्वजनिक (भिडियो)

विराटनगर । मेचु धिमाल र सुरेश साङपाङ राईको स्वरमा रहेको नयाँ गीत ‘शिरैमा शिरफूल’ बजारमा आएको छ ।

कल्पना आङबुहाङ र सुजन सेरेङ चोङबाङको शब्द तथा सुरेश साङपाङ राईको संगीतमा गीत तयार गरिएको छ । गीतलाई कल्पना आङबुहाङको आफनै युट्युब च्यानलबाट बुधबार गीत सार्वजनिक गरिएको हो ।

पूर्वेली लोकलयमा आधारित गीतमा पूर्वेली लोक संस्कृतिको र लिम्बू संस्कृतिलाई प्रस्तुत गरिएको छ । 

शिरैमा शिरफूलमा लगाएर आफनी प्रेमीकालाई मायाको संसारमा सयर गराउनको लागी अनुरोध गरिएको छ । धान नाच नाचेर आपसमा माया साटासाट गर्न आग्रह समेत गीतमा गरिएको छ । 

सुवास लिम्बूको छायाङ्कन, विनोद याक्खाको सम्पादन तथा राज लावतीको निर्देशन भिडियोमा छ । गीतको भिडियोमा सुन्दर खवास र ज्योती आङ्बुहाङको अभिनय तथा नृत्य देख्न सकिन्छ ।