Biratnagar, Morang, Nepal
२१ चैत २०८१, बिहिवार
+977 21 450305, 515728, 578305
अन्तर्राष्ट्रिय

१०० भन्दा बढी युक्रेनी ड्रोन नष्ट गरेको रूसको दाबी

उद्‌घोष सम्वाददाता
१३ असोज २०८१, आइतवार

मस्को, १३ असोज ।  रूसले रातभरमा आफ्नो क्षेत्रमा प्रवेश गरेका १२५  युक्रेनी ड्रोन नष्ट गरेको साथै आक्रमणबाट कुनै क्षति नभएको रक्षा मन्त्रालयले आइतबार जनाएको छ । 

“करिब १२५ युक्रेनी ड्रोन रुसी हवाई रक्षा प्रणालीद्वारा नष्ट गरिएको छ,” मन्त्रालयले टेलिग्राममा भनेको छ । 

दक्षिणी रूसको भोल्गोग्राद क्षेत्रमा ६७  वटा ड्रोन नष्ट गरिएको गभर्नर आन्द्रे बोचारोभले बताए । 

त्यसैगरी, बेलगोरोड क्षेत्रमा १७  र भोरोनेज क्षेत्रमा १७  वटा ड्रोन नष्ट गरिएको गभर्नर अलेक्सान्डर गुसेभले बताए । 

भोरोनेज सहर र यसको उपनगरमा ड्रोन खस्दा दुई आवासीय भवनमा आगलागी भएको तर कुनै हताहती नभएको उनले बताएकन छन् । 

रोस्तोभ क्षेत्रमा थप १८ वटा ड्रोनहरू नष्ट गरिएको गभर्नर भासिली गोलुबेभले टेलिग्राममा बताए । 

ब्रायन्स्क, कुस्र्क र क्रास्नोडार क्षेत्रमा एक/एक युक्रेनी ड्रोन नष्ट गरिएको र आजभ सागरमा तीन ड्रोन नष्ट गरिएको रक्षा मन्त्रालयले बताएको छ । रासस

View : 120

Copyright © 2023 -2025. Udghosh Daily. All Rights Reserved