महिलाको हत्या आरोपमा एक पक्राउ

संखुवासभा । संखुवासभाको खाँदवारी नगरपालिका–११ घर भई खाँदवारी नगरपालिका–७ मा बस्दै आएका ३१ वर्षीय मंशिरे शेर्पालाई प्रहरीले पक्राउ गरेको छ ।

सिलिचोङ गाउँपालिका–२ घर भई लिभिङ टुगेदरमा शेर्पासँगै बस्दै आएकी २६ वर्षीय विनाकुमारी राईको हत्या गरेको आरोपमा उनलाई पक्राउ गरिएको प्रहरीले जनाएको छ । 

राई र शेर्पाबीच फागुन १८ गते घरायसी विषयमा  विवाद हुँदा  शेर्पाले राईलाई कुटपिट गर्दा उनको घटनास्थलमा नै मृत्यु भएको थियो ।

घटनाको जानकारी पाए लगतै घटनास्थलमा खटिएको प्रहरी टोलीले आरोपित शेर्पालाई खोजतलास गर्ने क्रममा फागुन २४ गते संखुवासभा नगरपालिका–७ को एक घरमा लुकिछिपी बसेको अवस्थामा पक्राउ गरेको हो ।