विराटनगरलाई क्रिकेट लिगको उपाधि

विराटनगर । नेपाल क्रिकेट फाउण्डेशनको आयोजनामा भएको लिगको उपाधि विराटनगर क्रिकेट क्लब एण्ड एकेडेमीले जितेको छ । शनिबार भएको फाइनल खेलमा सिद्धार्थ स्पोर्टिङ क्लबलाई २ रनले पराजित गर्दै विराटनगरले लिगको उपाधि जितेको हो । 

उपाधिसँगै विराटनगरले नगद २५ हजार र ट्रफी हात पारेको छ भने उपविजेता सिद्धार्थले नगद १० हजार र ट्रफी हात पारेको छ । 

टस जितेर ब्याटिङ गरेको विराटनगरले निर्धारित २० ओभरमा ५ विकेट गुमाई १ सय ३८ रनको योगफल तयार पारेको थियो । 

जवाफमा १ सय ३९ रनको लक्ष्य पाएको सिद्धार्थले पूरै ओभर खेल्दै ९ विकेटको नोक्सानीमा १ सय ३६ रन मात्र बनाउन सक्यो । 

विजयी तथा अन्य खेलाडीलाई कोशी क्रिकेट संघका अध्यक्ष सर्वजितराज पाण्डे, मोरङ क्रिकेट संघका अध्यक्ष महमद सादबाबु कुरेसी र नेपाल क्रिकेट फाउण्डेशनका अध्यक्ष अविशेक श्रेष्ठलगायतले पुरस्कार तथा ट्रफि वितरण गरेका थिए ।