गोमन सर्पले डसेर केरावारीकी ६ वर्षीया बालिकाको मृत्यु

विराटनगर । मोरङको केरावारीमा विषालु सर्पको डसाइबाट एक ६ वर्षीया बालिकाको मृत्यु भएको छ । केरावारी–९ देविझोडा स्कुल चोकका मनोज पण्डितकी छोरी प्रतिमा पण्डितको बुधबार साँझ मृत्यु भएको जनाइएको छ ।

घरको शौचालयमा गएको बेला उनलाई विषालु गोमन सर्पले डसेको थियो । सर्पले टोकेको जानकारी अभिभावकले ढिलो पाएका कारण उनको उपचारका क्रममै मृत्यु भएको जनाइएको छ ।

बालिकालाई उपचारका लागि सुनसरीको इटहरीस्थित सर्पदंश उपचार केन्द्रमा लगिएको थियो । तर अस्पताल पुर्‍याए पनि मृत्यु भएको जनाइएको छ ।

समयमा उपचारका लैजान नपाउँदा बालिकाको मृत्यु भएको वडा नं. ९ का वडाध्यक्ष गोपाल याख्खाले बताए । उनी स्थानीय गोपाल मेमोरियल स्कुलमा अध्ययनरत रहेकी थिइन् ।