श्रीमतीको हत्या आरोपमा श्रीमान पक्राउ

विराटनगर । सुन्दरहरैचा नगरपालिका– १० बागझोडाका ५८ बर्षीय लक्ष्मण नेपाललाई आफ्नै श्रीमती ४१ बर्षीया पबित्रा फुयल (नेपाल) को हत्या गरेको आरोपमा प्रहरीले पक्राउ गरेको छ ।

आइतबार बिहान ११ बजे घरायसी विवादमा लक्ष्मण नेपालले खुकुरीले शरीरको बिभिन्न भागमा प्रहार गर्दा घाइते बनाएका थिए ।

उनको उपचारका क्रममा नोबेल अस्पताल विराटनगरमा मृत्यु भएको प्रहरीले जनाएको छ ।

हत्यामा संलग्न लक्ष्मणलाई इलाका प्रहरी कार्यालय बेलबारीले पक्राउ गरी थप अनुसन्धान भैरहेको बताइएको छ ।