पिण्डेश्वर विद्यापीठका बाबा र मातासँग नयाँ वर्ष

धरान । नेपाली कांग्रेस सुनसरी क्षेत्र नं. १ का क्षेत्रीय सभापति सुजेन्द्र तामाङले धरान–१४ स्थित प्रसिद्ध ऐतिहासिक मन्दिर पिण्डेश्वर बाबाधाममा वर्षौदेखि रहँदै आएका बाबा र माताहरूसँग नयाँ वर्ष मनाएका छन् । 

उनले वर्षौदेखि मन्दिर क्षेत्रको रेखदेख र पूजाआजामा सहयोग गर्नुका साथै मन्दिरको शोभा र गरिमा बढाउने कार्यमा समेत निरन्तर संलग्न हुँदै आएका बाबा र माताहरूमा पनि खुशी र उमंग छाओस् भनेर नयाँ वर्षको केक काटेर उनीहरूसँगै नयाँ वर्ष मनाएको बताए ।

मन्दिरका बाबा र माताहरूले आफूहरूलाई यसरी पहिलो पटक सम्झेर सम्मानका साथ मन्दिरमै नयाँ वर्ष मनाउने कार्यक्रम राखेकोमा खुशी व्यक्त गरेका थिए ।