सामुदायिक प्रहरीको स्वास्थ्य शिविर

विराटनगर । विराटनगरको तीनपैनीस्थित सामुदायिक प्रहरी सेवा केन्द्रले स्वास्थ्य शिविर आयोजना गरेको छ । 

सामुदायिक प्रहरीले तीनपैनी चोकमा मंगलबार बिहान स्वास्थ्य शिविर आयोजना गरेको हो । 

शिविरमा सर्वसाधारण तथा बटुवाहरुको रक्तचाप तथा तौल परीक्षण गरिएको थियो । शिविरबाट दुई सय बढीले सेवा लिएका छन् । 

आउँदो सातादेखि प्रत्येक शनिबार स्वास्थ्य शिविरलाई निरन्तरता दिइने सामुदायिक प्रहरी सेवा केन्द तीनपैनीकी अध्यक्ष मीना जोशीले जानकारी दिइन् । 

उनले शिविरमा सुगर, प्रेसर र तौल जाँच लगायतका सेवा उपलब्ध गराइने जानकारीसमेत दिइन् ।