मोरङमा ३४ जना निमावि शिक्षक नियुक्त

विराटनगर । शिक्षक सेवा आयोगबाट सिफारिस भई मोरङमा आएका ३४ जना नयाँ शिक्षकलाई स्थायी नियुक्ति गरिएको छ । 

सामाजिक, अंग्रेजी, नेपाली, गणित, विज्ञान तथा विज्ञान विषयका विषय शिक्षकहरूलाई बुधबार शिक्षा विकास तथा समन्वय इकाइ मोरङको सभा हलमा नियुक्तिपत्र प्रदान गरिएको हो । 

सो अवसरमा जिल्ला शिक्षा समितिका अध्यक्ष अजम्बर राई सदस्य कुमार पोखरेल शिक्षा विकास र समन्वय इकाई मोरङका प्रमुख शालिग्राम दाहाल लगायतले शैक्षिक गुणस्तर वृद्धिका लागि नयाँ शिक्षकको भूमिका महत्वपूर्ण हुने बताए । 

मोरङका १७ वटा पालिकाका सामुदायिक विद्यालयहरूले  विषयगत शिक्षकहरू पाएका छन् ।