युवा दिवसमा र्‍याली

विराटनगर । अन्तर्राष्ट्रिय युवा दिवसको अवसरमा मातृभूमि फाउण्डेशनको आयोजनामा सोमबार विराटनगरमा युवाहरूको र्‍याली निकालिएको छ । नेपाल तथा भारतका युवाहरू सहभागी र्‍याली पछि पाञ्चाली मार्गमा पुगेर समापन गरिएको थियो ।

समाफनमा आयोजित कार्यक्रममा बोल्ने वत्ताहरूले डिजिटल प्रविधिहरूको सदुपयोग गर्दै दिगो विकासका निम्ति अघि बढ्नुपर्ने बताएका थिए । 

कार्यक्रममा बारी नामक संस्थाका संस्थापक डिना प्रधानले डिजिटल प्रबिधिलाई आत्मसात गरी दिगो विकासको लक्ष्य हासिल गर्न अघि बढ्न युवाहरूलाई आह्वान गरे । 

युवाहरूलाई उत्प्रेरणा दिन युवा दिवसको अवसरमा विविध कार्यक्रम गरिएको आयोजक मातृभूमि फाउण्डेशनका अध्यक्ष मो चाँदबाबु इराकीले बताए । 

सो अवसरमा निहारिका कलेजका  अध्यक्ष रूपेश खतिवडा, नेकपा समाजवादीका केन्द्रीय सदस्य वसिम आलम, सामाजिक अभियन्ता आभा अनुपमा लगायतको सहभागिता थियो ।