प्रदेश प्रथम बनेका विद्यार्थीलाई हिमालय दर्शन कलेजले गर्यो सम्मान

विराटनगर । विराटनगर–९ स्थित हिमालय दर्शन कलेजले बीआईएम छैटौँ सेमेस्टरको परीक्षामा परीक्षामा कोशी प्रदेश टप गर्ने विद्यार्थीहरूलाई सम्मान गरेको छ ।

त्रिभुवन विश्वविद्यालयले प्रकाशित गरेको परीक्षाफलमा ३.९३ एसजीपीए ल्याएर कोशी प्रदेश टप गर्ने छात्रा आश्मा तुलाधर र ३.८८ एसजीपीए ल्याएर कोशी प्रदेशकै तेस्रो हुन सफल भएकी सपना झालाई सम्मानित गरेको हो ।

कलेजले मङ्गलबार उनीहरूलाई एक कार्यक्रमका बिच सम्मान गरेको क्याम्पस प्रमुख भरत सापकोटाले जानकारी दिए । परीक्षामा उत्कृष्ट एसजीपीए ल्याउन सफल भएका अन्य विद्यार्थीहरूलाई समेत सम्मानित गरिएको जनाइएको छ ।
उत्कृष्ट नजिता ल्याउने विद्यार्थीलाई कलेजले छात्रवृति समेत उपलब्ध गराउने क्याम्पस प्रमुख सापकोटाले बताए । 

सम्मानित विद्यार्थीलाई कलेजका निर्देशक शैलेन्द्र सिवाकोटी र भेषराज पोखरेल, कोअर्डिनेटर भुपाल मिश्र, सुमित साह, कुशल निरौला र अन्जु भुजेल लगायतले बधाई ज्ञापन गरे । 

हिमालय दर्शन कलेजले कोशी प्रदेशमै विएचएम, विआइएम, विसिए, विएस्सी, सिएसआइटी र विविएस अध्ययनका लागि विद्यार्थीहरूको रोजाईमा पर्दै आएको जनाइएको छ ।