कोबासमा अभिमुखीकरण

विराटनगर । विराटनगरस्थित कोबास कलेजले नयाँ विद्यार्थीलाई स्वागत सहित अभिमुखीकरण कार्यक्रम गरेको छ  ।  सो कलेजमा कक्षा ११ मा ३ सय ५० जना नयाँ विद्यार्थी भर्ना भएका थिए । कलेजमा होटल म्यानेजमेन्ट, विज्ञान, कम्प्युटर साइन्स र ब्यवस्थापन विषयमा पढाइ हुँदै आएको छ ।

सो अवसरमा कलेजका प्रिन्सिपल सुनिल श्रेष्ठले कलेजले सीप र संस्कार सहितको विद्यार्थी उत्पादन गर्दै आएको बताए । कोबासमा पढेर विभिन्न निकायमा काम गर्दै आएका पूर्वविद्यार्थीहरूलाई सम्मान पनि गरिएको थियो । 

कोबास कलेजका व्यवस्थापन समिति अध्यक्ष प्रिया सारडा र प्रिन्सिफल श्रेष्ठले विद्यार्थीहरूलाई मायाको चिनो र खादा सहित सम्मान गरे । कार्यक्रममा नवआगन्तुक विद्यार्थीहरूको स्वागतमा कक्षा १२ का विद्यार्थीहरूले सांस्कृतिक कार्यत्रम समेत प्रस्तुत गरेका थिए ।

कार्यक्रममा कलेज सञ्चालक समिति अध्यक्ष सुमन कालिकोटे, प्याब्सन मोरङका अध्यक्ष प्रेमसिंह सुवाल, प्याब्सनका पूर्वअध्यक्षद्वय सावित्री पराजुली र ईन्द्र राईलगायतले  नयाँ विद्यार्थीहरुलाइ शुभकामना दिएका थिए ।