गछिया गोल्डकप फुटबलको उपाधि राजा क्लबलाई

सुनसरी । प्रथम अन्तर्राष्ट्रिय आमन्त्रण गछिया गोल्ड कप फुटबल प्रतियोगिताको उपाधि राष्ट्रिय जागृति (राजा) क्लब इटहरीले जितेको छ । 

सोमबार सम्पन्न फाइनल खेलमा गाईघाट युनाइटेड उदयपुरलाई १–० गोल अन्तरले पराजित गर्दै राजा क्लबले उपाधि जितेको हो । 

राजा क्लबलाई उपाधि जिताउन प्रवेश बस्नेतले निर्णायक गोल गरे । बस्नेतले मध्यान्तरपछिको आठौं मिनेटमा गरेको गोल नै निर्णायक बन्यो । रराजा क्लबले उपाधिसँगै २ लाख रूपैयाँ हात पारेको छ । 

उपविजेता भनेको गाईघाट युनाइटेडले रू १ लाख रूपैयाँमा चित्त बुझाएको छ । 

प्रतियोगिताको सर्वश्रेष्ठ खेलाडी राष्ट्रिय जागृतिका प्रवेश दनुवार घोषित भए । उनले २५ हजार पुरस्कार पाए ।

मङ्सिर १५ गतेदेखि सुरू भएको प्रतियोगितामा एक भारतीयसहित आठ खेल टोलीको सहभागिता थियो ।