डेन्टल एसोसिएशनमा डा. निमिषा दास

विराटनगर । नेपाल डेन्टल एसोसिएशनको मोरङ जिल्ला समितिको अध्यक्षमा डा. निमिषा दास चयन भएकी छन् । 

दुई बर्षे कार्यकालका लागि डा. दासको अध्यक्षतामा आठ सदस्यीय जिल्ला समिति सर्वसम्मत चयन भएको निर्वाचन अधिकृत डा. रितेश गिरीले जानकारी दिए ।

एसोसिएशनको उपाध्यक्षमा डा. अभिषेक कुमार, महासचिवमा डा. मो कमरुल हक, कोषाध्यक्षमा डा. धीरजकुमार मण्डल र सहसचिवमा डा. आदित्य साह चयन भएको जनाइएको छ ।

सदस्यहरूमा डा. मीरा ठाकुर, डा. शेखरकुमार मण्डल र डा. मो रिजवान अली चयन भएका छन् ।