काठमाडौंबाट ओखलढुंगा जाँदै गरेको बस दुर्घटना हुँदा १५ जना घाइते

विराटनगर । काठमाडौंबाट ओखलढुंगा जाँदै गरेको बस बुधबार बिहान दुर्घटनामा परेको छ ।

ओखलढुंगाको गाम्नाङटार जाँदै गरेको प्रदेश ३–०१–००६ ख ०६३६ नम्बरको यात्रु बस लामोसाँघु–जरी सडकखण्ड अन्तरगत दोलखाको भीमेश्वर नगरपालिका–८ बोचमा दुर्घटना हुँदा १५ जना यात्रु घाइते भएका छन् ।

बस गुडिरहेको बेलामा अनियन्त्रित भएर सडक पल्टिएको दोलखा प्रहरीले जनाएको छ ।

घाइतेहरूको तत्कालै उद्धार गरी उपचारका लागि चरिकोट लगिएको जनाइएको छ ।

घाइतेहरू मध्ये दुईजनालाई गहिरो चोटपटक लागेकोले थप उपचारका लागि लैजाने तयारी भइरहेको पनि जनाइएको छ ।