पाहुना आएका भिनाजुको हत्या गर्ने पक्राउ

सोलुखुम्बु । आफ्नै भिनाजुको हत्या गरेको आरोपमा सोलुखुम्बुको थुलुङ दुधकोशी गाउँपालिका–२ देविस्थानका ४५ वर्षीय पूर्णबहादुर बस्नेत पक्राउ परेका छन् । प्रहरीले उनलाई शनिबार बिहान प्रहरीले पक्राउ गरेको हो ।

थुलुङ दुधकोशी गाउँपालिका–१ नेले बस्ने आफ्नै भिनाजु ६० वर्षीय सुरेश बस्नेतलाई सालो पूर्णबहादुरले खुकुरी प्रहार गरी हत्या गरेको प्रहरीले जनाएको छ । 

पूर्णबहादुरले आफ्नै घरमा पाहुना आएका भिनाजु सुरेशलाई खुकुरी प्रहार गर्दा उनको घटनास्थलमै मृत्यु भएको थियो । 

घटनाको जानकारी पाएपछि प्रहरी चौकी नेलेबाट पुगेको प्रहरीले उनलाई पक्राउ गरेको बताइएको छ । हत्याको कारण खुलेको छैन ।