विराटनगरको महेन्द्र मोरङ क्याम्पस अगाडि सरकारी गाडीमा आगजनी

विराटनगर । विराटनगरको महेन्द्र मोरङ आदर्श बहुमुखी क्याम्पस अगाडि एउटा सरकारी गाडीमा आगजनी भएको छ । आगजनी भएको को–१ झ ६४४ नम्बरको स्कार्पियो कोशी प्रदेश योजना आयोगको भएको जनाइएको छ ।

महेन्द्र मोरङ क्याम्पसका केही विद्यार्थीहरूले गाडीमा आगजनी गरेको प्रत्यक्षदर्शीहरूले बताएका छन् । आगजनीबाट गाडीमा पूर्ण रुपमा क्षति पुगेको छ । आगजनी किन गरिएको हो भन्ने कुरा खुलेको छैन ।

त्यसैगरी विराटनगरको पाञ्चालीमा सडकमा रोकिराखेका नेपाल विद्युत प्राधिकरणका पाँच वटा गाडीमा समेत अज्ञात समुहले ढुंगामुढा गरेको जनाइएको छ । ढुङ्गामुढाबाट गाडीहरूको सिसा फुटेका छन् । अहिले त्यहाँ प्रहरी पुगेर अनुसन्धान गरिरहेको जनाइएको छ ।