मन्त्री मेहताद्वारा कबड्डी खेलाडीको विदाइ

विराटनगर । कोशी प्रदेश खेलकुद विकास बोर्डका अध्यक्ष तथा सामाजिक विकास मन्त्री रामप्रसाद मेहताले राष्ट्रिय कबड्डी प्रतियोगितामा सहभागी हुने खेलाडीहरूको बिदाइ गरेका छन् । 

विराटनगरस्थित बोर्डको कार्यालयमा मन्त्री मेहताले सोमबारदेखि काठमाडौंमा हुने राष्ट्रिय कबड्डी प्रतियोगितामा सहभागी हुने २४ जना खेलाडीसहित अफिसियललाई बिदाई गरेका हुन ।

प्रतियोतिगामा प्रथम स्थानको पदकको अपेक्षा गरेको बताउँदै मन्त्री मेहताले खेलकुदमा सरकारले लगानी गर्ने विश्वास दिलाए । 

सोही क्रममा बोर्डले कोशी प्रदेशबाट माघ ३ र ४ गते हेटौडामा सम्पन्न राष्ट्रिय जुडो प्रतियोगितामा २ रजत र २ काँस्य पदक हात पारेको जानकारी गराइएको थियो। सो प्रतियोगितामा सात प्रदेश र तीन विभागीय टोलीको सहभागिता थियो ।