चाइनिज पेस्तोल सहित एक पक्राउ

सुनसरी । सुनसरीको भोक्राहा नरसिंह गाउँपालिका–२ अकाहा बजारबाट चाइनिज पेस्तोल सहित ३८ वर्षीय शमसेर आलमलाई प्रहरीले पक्राउ गरेको छ । 

सोमबार राती जिल्ला प्रहरी कार्यालय सुनसरीबाट प्रहरी नायव उपरीक्षक रामप्रसाद तिमल्सिनासहितको प्रहरी टोलीले खुर्सित आलमको घर खानतलासी गर्दा सो पेस्तोल बरामद भएको हो ।

घरको भान्छाकोठा भित्र प्लास्टिकले बेरेर लुकाई–छिपाई राखेको अवैध चाइनिज पेस्तोल १ थान, म्यागजिन १ थान र गोली २ राउण्ड फेला पारी सो घरमा रहेका शमसेर आलमलाई नियन्त्रणमा लिएको हो ।

फरार रहेका खुर्सित आलमको खोजतलास भइरहेको र  पेस्तोल सहित पक्राउ परेका आलमको जिल्ला प्रहरी कार्यालय सुनसरीबाट थप अनुसन्धान भइरहेको  बताइएको छ ।