अनलाइन बाजी खेलाउने अर्याल दाजुभाई पक्राउ

विराटनगर । अनलाइनमार्फत बाजी खेलाउने विराटनगरका दुई सट्टेबाजलाई प्रहरीले पक्राउ गरेर कारवाही थालेको छ ।

विराटनगर–१२ स्थित आˆनै घरबाट बाजीको कारोबार गर्दै आएका दाजुभाइलाई मोरङ प्रहरीले पक्राउ गरेको हो ।

पक्राउ पर्नेमा २० वर्षीय उत्सव अर्याल र १८ वर्षीय उत्कृष्ट अर्याल  छन् । उनीहरुले अनलाइन बाजी गर्ने बिभिन्न एपहरु डाउनलोड गरेर बाजी खेलाउँदै आएका थिए । एपमार्फत डिजिटल खाताहरु पनि खोलिएको पाइएको छ ।

मोरङका प्रहरी नायव उपरीक्षक ज्ञानेन्द्रबहादुर बस्नेतका अनुसार उनीहरुलाई साउन १८ गते घरबाटै पक्राउ गरी सट्टेबाजी गर्न नहुने कसुरमा जिल्ला अदालतबाट म्याद थप गरी हिरासतमा राखेर अनुसन्धान भइरहेको छ । सट्टेबाजी लिने र दिने कार्यका लागि अनलाइन डिजीटल खाता सञ्चालन गरेका थिए । 

सो खाताबाट रकम लिने र दिने दुबै गरेको पाइएको छ । सट्टेबाजीमा प्रयोग गरिएको कम्प्युटर, राउटर, सीपीयू मोबाइललगायतका उपकरण पहरीले नियन्त्रणमा लिएको छ ।

सट्टेबासी गैरकानुनी कार्य भएकाले उनीहरुले कतिजनाबाट कति रकम संकलन गरेर कति ब्यक्तिलाई पीडित बनाए भन्ने प्रहरीले अनुसन्धान गरिरहेको छ ।