पाँचौं तलाबाट खस्दा चिकित्सकको मृत्यु

विराटनगर । विराटनगरस्थित नोबेल मेडिकल कलेजका एक जना इन्टर्न चिकित्सकको अस्पतालकै भवनबाट खसेर आइतबार मृत्यु भएको छ । 

नोबेलको पाँचौं तलाबाट खसेर घाइते डा. अमित यादवको उपचारका क्रममा मृत्युु भएको नोबेल अस्पताल प्रशासनले जानकारी दिएको छ ।

जिल्ला प्रहरी कार्यालय मोरङका अनुसार आइतबार बिहान साढे छ बजेतिर मेडिकल कलेजको मुख्य गेटतर्फ रहेको भवनको पाँचौं तलाबाट उनी खसेका थिए ।

३४ वर्षीय  यादव गम्भीर घाइते भएका थिए । उपचारका क्रममा उनको मृत्यु भएको हो ।

सप्तरीको राजविराज नगरपालिका–९ जगदरी निवासी उनको टाउकोमा गम्भीर चोट लागेको अस्पताल प्रशासक दिपेश राईले जानकारी दिए । 

यादव नोबेल मेडिकल कलेजमै एम्बीबीएस इन्टर्न डाक्टरका रूपमा कार्यरत थिए । घटनाबारे अनुसन्धान भैरहेको प्रहरीले बताएको छ ।