पूर्वराजा ज्ञानेन्द्र पुगे भुटान (फोटो)

विराटनगर । पूर्वराजा ज्ञानेन्द्र शाह भुटान पुगेका छन् । बिहीबार ड्रुक एयरको जहाजबाट पारो अन्तर्राष्ट्रिय विमानस्थलमा उनी ओर्लिएका हुन् ।

शाहसँगै उनकी छोरी प्रेरणा, भतिजी शिताष्मा शाह, राजेश सिंह र स्वकीय सचिव सागर तिमल्सिना पनि भुटान पुगेका छन् । 

शाह भुटानको राजधानी थिम्पु पुग्दा भुटानी राजकुमारी पेम ल्हादेन वाङ्चुकले स्वागत गरेकी छन् । शाहको भुटान भ्रमण निजी रहेको शाहका संवाद सचिव फणिराज पाठकले बताए ।

भुटानमा रहँदा पूर्वराजा ज्ञानेन्द्रले त्यहाँका केही महत्वपूर्ण धार्मिक क्षेत्रहरूको भ्रमण गर्ने कार्यक्रम रहेको छ । त्यसैगरी उनले विभिन्न व्यक्तिहरूसँग पनि भेटघाट गर्ने जनाइएको छ । 

पूर्वराजा शाह असोज २० गते नेपाल फर्किने जनाइएको छ ।