कोशी र अरनिको क्वाटरफाइनलमा

विराटनगर । नेपाल क्रिकेट फाउण्डेशन र मोरङ जिल्ला क्रिकेट संघको  आयोजनामा विराटनगरको वैजनाथपुर क्रिकेट मैदानमा भएको अन्तर–स्कुल क्रिकेट प्रतियोगितामा कोशी मोडेल स्कुल र अरनिको स्कुल विजयी भएका छन् ।  

सोमबार भएको पहिलो खेलमा कोशी मोडेलले राइजिङ नेपाललाई ८ विकेटले पराजित गरेको छ । टस जितेर ब्याटिङ गरेको राइजिङले निर्धारित १७ ओभरमा ९ विकेट गुमाई ७७ रन बनाएको थियो । जसमा महमद इरफानले सर्वाधिक २७ रन बनाए । कोशीका रविन मण्डलले ३ विकेट लिए ।

७८ रनको लक्ष्य पाएको कोशीले ५ दशमलव २ बलमा २ विकेट गुमाई  विजयी लक्ष्य पार गरेको थियो । कोशीको जितमा उत्कृष्ट खेलाडी रविन मण्डल सर्वाधिक ६५ रनमा अविजित रहे । राइजिङका महमद समिर आलमले २ विकेट लिए ।

दोस्रो खेलमा अरनिको स्कुलले सगरमाथा स्कुललाई ९२ रनको फराकिलो अन्तरले पराजित गरेको छ । टस जितेर ब्याटिङ गरेको अरनिकोले निर्धारित २० ओभरमा ८  विकेट गुमाई १ सय ३६ रनको योगफल तयार पारेको थियो । जसमा अमन यादव ३२ रन बनाउदा लुसाङ गुरुङले २९ रनको योगदान दिए । सगरमाथाका निखिल साहले ३ विकेट लिए ।

१ सय ३७  रनको विजयी लक्ष्य पाएको सगरमाथाले ११ ओभरमा सवै विकेट गुमाई ४४ रनमा सीमित भयो । जसमा सौरभ रायले सर्वाधिक ११ रन बनाए । अरनिकोका उत्कृष्ट खेलाडी लुसाङ गुरुङले सर्वाधिक ३ विकेट लिए ।