नेवाः दय दबु महानगर समितिको तेस्रो अधिवेशन सम्पन्न

विराटनगर । नेवा समुदायको राष्ट्रिय सस्था नेवाः दय दबु विराटनगरको तेस्रो अधिवेशन बुधबार सम्पन्न भएको छ । 
विराटनगरको बंगलामुखी मन्दिरस्थित झीपुचःको भवनमा भएको अधिवेशनले अम्बरबहादुर श्रेष्ठको अध्यक्षतामा १३ सदस्यीय नयाँ कार्यसमिति चयन गरेको छ ।

समितिको वरिष्ठ उपाध्यक्ष यादव प्रधान, उपाध्यक्ष खुलातर्फ आशीष श्रेष्ठ, महिला उपाध्यक्षतर्फ सरिता तुलाधर, सचिव महिलातर्फ श्रृजना श्रेष्ठ खुलातर्फ सुनिलकुमार श्रेष्ठ, कोषाध्यक्ष लक्ष्मी श्रेष्ठ लगायत निर्विरोध चयन भएका छन् । 

नवनिर्वाचित अध्यक्ष श्रेष्ठले आफ्नो दुई वर्षे कार्यकालमा नेवा सभ्यता, संस्कृति र संस्कारबारेमा आफ्नो समुदायमा सचेतनामूलक कार्यक्रम गर्नुका साथै नेपाल भाषा, संस्कृति र कलालाई राष्ट्र र राष्ट्रियतास“ग जोडी समृद्ध समाज बनाउन लागिपर्ने बताए ।