एक्यानमा यादव र तिम्सिना

विराटनगर । नेपाल चार्टर्ड एकाउन्टेन्ट्स संघ (एक्यान) को कोशी प्रदेश अध्यक्षमा सीए तीर्थ यादव र मोरङ शाखाको अध्यक्ष पदमा सीए सुरज तिम्सिना चयन भएका छन् । 

एक्यानको शनिबार विराटनगरमा सम्पन्न निर्वाचनमा  एक्यान कोशी प्रदेशको पाँच सदस्यीय समितिको सचिवमा सीए गुल्सनराज शर्मा, कोषाध्यक्ष सीए श्रीप्रसाद निरौला र सदस्यद्वयमा किञ्जल पोखरेल र रुपा अग्रवाल चयन भएका छन् । 

यस्तै आठ सदस्यीय एक्यान मोरङको उपाध्यक्षमा सीए काशीकुमार शाह, सचिव सीए अनन्त काफ्ले, कोषाध्यक्ष सीए सरोज दवाडी र चार सदस्यहरुमा सीए समीर निरौला, सीए विवेक सुवेदी, सीए मणिशंकर देव र सीए वत्सला लोहिया सर्वसम्मत भएका छन् । 

एक्यानको शनिबार काठमाडौंमा भएको निर्वाचनमा सीए अरुण राउत केन्द्रीय अध्यक्षमा निर्वाचित भएका छन् ।