१५ फरार अभियुक्त पक्राउ

विराटनगर : जिल्ला प्रहरी कार्यालय मोरङ तथा मातहत कार्यालयबाट खटिएको प्रहरी टोलीले मंगलवार र बुधवार दुई दिनमा १५ जना फरार अभियुक्तहरुलाई पक्राउ गरेको छ ।

फरार अभियुक्तहरुको खोजी तथा पक्राउ अभियान अन्तर्गत  मोरङ जिल्ला अदालतको विभिन्न मितिको फैसलाले  चोरी, वन पैदवार तथा ओसार पसार, केही सार्वजनिक अपराध, चलन हटक र लुटपिट कसूरमा दोषी ठहर भई फरार रहेका १५ जनालाई ईलाका प्रहरी कार्यालय बेलबारी, रानी र प्रहरी चौकी कटहरीबाट खटिएको प्रहरी टोलीले पक्राउ गरि मोरङ जिल्ला अदालतमा पेश गरेको जिल्ला प्रहरी कार्यालय मोरङले जनाएको छ ।