मोरङको ग्रामथान गाउँपालिकाको अध्यक्षका लागि मतदान सुरु (फाेटो)

विराटनगर । मोरङको ग्रामथान गाउँपालिकामा उपनिर्वाचनको मतदान सुरु भएको छ । विहान ७ बजेदेखि सुरु हुने मतदान केही मतदान केन्द्रमा भने झन्डै १५ मिनेट ढिलाई भएकाे हाे ।

मतदाताहरु बिहान सबेरैबाट लाइनमा बसेर मतदानमा सहभागी भएका छन् ।

गाउँपालिकाका विभिन्न १२ मतदानस्थलमा मतदान सुरु भएको मुख्य निर्वाचन अधिकृतको कार्यालयले जनाएको छ ।

गाउँपालिका अध्यक्ष छान्न आज मतदान भैरहेको हो ।

२६ हजार ४४ जना मतदाता भएको ग्रामथानमा १६ जना उम्मेदवार अध्यक्ष बन्ने दौडमा सामेल छन् ।

तत्कालीन अध्यक्ष जयप्रकाश गच्छदारको गत असारमा निधन भएपछि यहाँ आज उपनिर्वाचन भइरहेको हो ।