सिद्वार्थ सेकेन्डरीमा फुटबल

सुन्दरहरैंचा । सुन्दरहरैंचा–१० स्थित सिद्वार्थ सेकेन्डरी स्कुलको २९ औं अभिभावक दिवसको अवसरमा विद्यार्थीसँग अभिभावक कार्यक्रम अन्तर्गत  फुटबल प्रतियोगिता सम्पन्न भएको छ । 

सुकुना चौरीमा  समूह  ए र बी बीच भएको फुटबलको र फाइनल खेलमा समूह ए ले ३ गोल गरी विजेता घोषित भएको थियो । प्रतियोगितामा समूह बी ले निर्धारित समयमा कुनै पनि गोल गर्न सकेन । 

फुटबल प्रतियोगिताका विजेता तथा उपविजेता समूहलाई अभिभावक दिवसका अवसरमा पुरस्कार वितरण गरिने विद्यालयका प्राचार्य अर्जुन वस्नेतले जानकारी दिए । उनले अभिभावकको उत्साहको लागि फुटबल प्रतियोगिताका विजेताले नगद  ११ हजार तथा उपविजेताले ६ हजार ५ सय नगद र प्रमाणपत्र पाउने बताए । 

सिद्वार्थ सेकेन्डरी स्कुलको २९ औं अभिभावक दिवसका अवसरमा विद्यार्थीसँग अभिभावक कार्यक्रम अन्तर्गत म्याराथुन दौड, भलिबल, फुटबल, नृत्य (मम्मी डान्स) गायन र चित्रकला प्रतियोगिता राखिएको विद्यालयका सहायक प्राचार्य जेवी थुलुङले जानकारी दिए ।