छाडा छोडिएको भैंसीमा ठोक्किएर चार सवारी साधन दुर्घटना, पाँच घाइते (नामसहित)

विराटनगर । विराटनगर–१४ स्थित मलाया रोडमा मंगलबार बेलुका भैसीसँग ठोक्किएर दुई वटा मोटरसाइकल, एउटा जीप र एउटा कार दुर्घटना हुँदा पाँच घाइते भएका छन् ।

प्रहरीका अनुसार सडक पार गर्दै गरेको छाडा भैसीसँग जीप ठोक्किएको थियो । सडकमा लडेको भैंसीमा ठोक्किएर कार र दुई वटा मोटरसाइकल पनि दुर्घटना भएका हुन् ।

को २५ प ६३८७ नम्बरको मोटरसाइकलमा सवार विराटनगर–१८ का देवानन्द यादव र उनकी श्रीमती अनिताराजलक्ष्मी यादव घाइते छन् ।

को ११ प २९०९ मोटरसाइकलमा सवार राज गुप्ता, बा २९ च २६१८ नम्बरको कारमा सवार विराटनगर–९ ट्राफिक चोकका मो हलिम र रिचा जैन घाइते छन् ।

घाइते सवैलाई न्यूरो अस्पताल लगिएकोमा हलिम र जैनको सामान्य उपचारपछि डिस्चार्ज भएको जनाइएको छ । मोटरसाइकलमा सवार रहेका बाँकी तीन जना घाइतेहरुको उपचार भइरहेको इलाका प्रहरी कार्यालय रानीले जनाएको छ ।