मेडिकल एशोसिएसनको शुभकामना आदानप्रदान

विराटनगर । नेपाल मेडिकल एशोसिएसन (एनएमए) कोशी प्रदेशले चाडपर्वको अवसरमा शुभकामना आदानफ्रदान कार्यक्रम गरेको छ ।  आइतबार आयोजना गरिएको कार्यत्रममा २ सय बढी चिकित्सकहरु सहभागी भएका छन् ।

कार्यक्रमका सहभागी चिकित्सकहरुले एकअर्कालाई शुभकामना आदानफ्रदान गर्नुका साथै सांस्कृृतिक कार्यक्रममा गरेर रमाइलोसमेत गरेका थिए । कार्यत्रममा मेडिकल शिक्षा अध्ययनरत छात्राहरुले नृत्यसमेत प्रस्तुत गरेका थिए । सो अवसरमा नवजात शिशु तथा बालरोग विशेषज्ञ डा शिखा श्रेष्ठले स्वागत नृत्य प्रस्तुत गरेकी थिइन् ।

कार्यक्रममा विराटनगरको स्मृति ब्याण्डका कलाकारहरुले आफ्नो प्रस्तुति प्रदर्शन गरेका थिए ।

कोशी प्रदेशकी स्वास्थ्य सचिव  राधिका थपलिया, कोशी अस्पतालकी मेडिकल सुपरीटेण्डेन्ट डा रुना झा र न्यूरो अस्पतालका मेडिकल डाइरेक्टर डा नवीन कर्णलाई सम्मान समेत गरिएको थियो । एनएमएका कोशी अध्यक्ष डा राजेन्द्र चौधरीले उनीहरुलाई सम्मान गरेका थिए ।