सप्तरीमा बस दुर्घटना हुँदा उदयपुरकी एक महिलाको मृत्यु, २६ घाइते

सप्तरी । उदयपुरको गाईघाटबाट काँकडभिट्टा गइरहेको बस विपरीत दिशाबाट आएको मोटरसाइकल जोगाउन खोज्दा भएको दुर्घटनामा परी एक महिलाको मृत्यु भएको छ । 

कञ्चनरुप नगरपालिका बरमझियामा आइतबार बिहान भएको दुर्घटनामा परी उदयपुरकै २१ वर्षीया मैया राईको मृत्यु भएको सप्तरी प्रहरीले जनाएको छ ।

२६ जना घाइते भएका छन् । कञ्चनपुरस्थित इलाका प्रहरी कार्यालयका अनुसार दुर्घटनामा परी आठ जना गम्भीर घाइते भएका छन् ।

उनीहरूलाई उपचारका लागि विराटनगर पठाइएको प्रहरीले जनाएको छ ।

घाइते अन्य १८ जनाको उपचार स्थानीय धर्मेश्वर अस्पतालमा भइरहेको छ ।