तोलामा एक सयले घट्यो सुनको मूल्य

काठमाडौँ, २७ भदौ । स्थानीय बजारमा आज पहेँलो धातुको मूल्य तोलामा रु एक सयले घटेको छ ।

नेपाल सुनचाँदी व्यवसायी महासङ्घका अनुसार बुधबार प्रतितोला  एक लाख ५३ हजार चार सयमा कारोबार भएको छापावाला सुन आजका लागि  एक लाख ५३ हजार तीन सय निर्धारण भएको छ ।

बुधबार सुनको मूल्य हालसम्मकै उच्च विन्दुमा पुगेर कीर्तिमान कायम गरेको थियो ।

यस्तै चाँदीको मूल्य तोलामा  १५ ले बढेको छ । बुधबार प्रतितोला  एक हजार सात सय ८० मा कारोबार भएको चाँदी आजका लागि भने  एक हजार सात सय ९५ निर्धारण भएको छ ।  रासस