भारद्वाज ऋषिको शालिक अनावरण

विराटनगर । निरौला बन्धु सेवा समाज विराटनगर शाखाले निर्माण गरेको भारद्वाज ऋषि र निरौला बंशावलीका लेखक भीमप्रसाद निरौलाको शालिकको बिहीबार एकैसाथ अनावरण गरिएको छ ।

उभौली पर्वको अवसरमा विराटनगर–१ पुष्पलालचोकस्थित निरौला बन्धु बाटिकामा आयोजित गोठ पूजा कार्यक्रममा निरौला बन्धु सेवा समाजका केन्द्रीय अध्यक्ष लक्ष्मीप्रसाद निरौला, पूर्व केन्द्रीय उपाध्यक्ष रामप्रसाद निरौला, समाजका विराटनगर शाखाका अध्यक्ष तीर्थराज निरौला लगायतले संयुक्त रुपमा ती दुवै  शालिकको अनावरण गरेका हुन् ।

निरौला बन्धु समाजका पदाधिकारी तथा सदस्यहरुले संकलन गरेको रकमबाट निरौला बन्धु बाटिका हाताभिक्र शालिक निर्माण गरिएको थियो । सो कार्यत्रममा झापा, मोरङ,सुनसरीलगायत विभिन्न जिल्लाका निरौला बन्धु सेवा समाजका पदाधिकारी तथा सदस्यहरुको सहभागिता  थियो ।