नेकपा एमालेका सुहाङ नेम्वाङ विजयी (अन्तिम मतपरिणामसहित)

विराटनगर । इलाम–२ को प्रतिनिधि सभा सदस्य उपनिर्वाचनमा नेकपा एमालेका उम्मेदवार सुहाङ नेम्वाङ विजयी भएका छन् ।

उनले नेपाली कांग्रेसका डम्बर बहादुर खड्कालाई ५ हजार ८३० मतले पराजित गर्दै निर्वाचित भएका हुन् ।

सुहाङले २७ हजार ७७२ मत प्राप्त गरेका छन् । त्यसैगरी डम्बरले २१ हजार ९४२ मत पाएका हुन् ।

स्वतन्त्र उम्मेदवार डकेन्द्रसिंह थेगिमले ११ हजार ४५७ र राष्ट्रिय स्वतन्त्र पार्टीका मिलन लिम्बुले ५ हजार ०५० मत प्राप्त गरेको निर्वाचन अधिकृतको कार्यालय स्रोतले जनाएको छ । 

कुल ६९ हजार ३७४ मत गणना भएकोमा ९०२ मत बदर भएको जनाइएको छ ।

मतपरिणामको औपचारिक घोषणा हुन बाँकी छ ।