उदयपुरका पराजुली विराटनगरमा बेपत्ता

विराटनगर । उदयपुरको त्रियुगा नगरपालिका–३ भुल्केका ४० वर्षीय कमल पराजुली विराटनगरबाट आइतबार रातिदेखि बेपत्ता भएका छन् । 

उनको खोजीका लागि जिल्ला प्रहरी कार्यालय मोरङमा निवेदन दिएर खोजतलास अघि बढाइएको परिवारका सदस्यले जानकारी दिए ।

पराजुली आइतबार बेलुका साढे १० बजेतिर विराटनगर–१ स्थित जिल्ला प्रहरी कार्यालयबाट उत्तर जाने बाटोबाट अचानक बेपत्ता भएको जनाइएको छ । 

आफन्तले उनलाई देखेमा प्रहरीलाई तत्कालै खबर गरिदिन आग्रह गरेका छन् ।